විදුහල්පති පණිවිඩය

පරකඩුව ප්‍රදේශයේ පත්බේරිය ගම්පියසේ පිහිටි අතිසුන්දර පරිසරය පිහිටි මාගේ ර/පත්බේරිය නාරද මාධ්‍ය මහා විද්‍යාලයයි .පාසල් වර්ගීකරණය අනුව 1 AB පාසලක් වන මෙය වර්තමානයේ පාසල් 1000 හේ ව්‍යාපෘතිය අයත් වන පාසලකි.ග්‍රාම නිල වසම් 10 කින් පමණ පෝෂිත වන මෙම විදුබිම ප්‍රදේශයේ පාසල් 07 ක මව් පාසැල වේ. 2017 වර්ෂයේ ම වැඩ භාර ගත් විට ඉතා අඩු ශිෂ්‍ය සධනයක් හා සීමිත භෞතික හා මානව සම්පත් හිඟයක් තිබුණත් වර්තමානය වන විට එම අඩුපාඩු මඟ හරවා ගනිමින් 21 සියවසට ගැළපෙන ලෙස 21 සියවසේ කුසලතා වන, සන්නිවේදන කුසලතා ,සාක්ෂර කුසලතා ,ජිවන කුසලතා වලට ගැළපෙන ලෙස පාසල් පිරියත හා භෞතික සම්පත් හා මානව සම්පත් වලින් සපිරි පාසලක් බවට පත් කිරීම මාගේ සතුටට කරුණකි.සුවහසක් දරුවන්ගේ අනාගත අභිලාශය හා ලෝකයට ගැළපෙන අධ්‍යාපන අරමුණු ඉටු කර ගැනීමට හැකි පරිසරයක් ගොඩ නැගී ඇත.අප පාසැල ශිෂ්‍ය සාධනය හා විෂය බාහිර හා විෂය සමගාමී කටයුතු වලින් කලාප ,පළාත් හා ජාතික මට්ටමේ ජයග්‍රහණ ලබමින් පළතේ බැබලෙන පාසලක් වීම මාගේ සන්තුෂ්ටියට හේතු වී ඇත.

වර්තමානයේ තොරතුරු තාක්ෂණ අංශය ද විශාල ප්‍රගතියක් ඇත කරගෙන ඇති තර එහි නවතම අංගයක් ලෙස පාසල් වෙබ් අඩවි නිර්මාණය කිරීමේ කාර්ය සිදු කරනු ලබයි.මෙය පාසලේ උන්නතිය සදහා විවිධ පාර්ශවයන්ගේ අදහස්,යෝජනා, තොරතුරු හුවමාරු කර ගැනීමට ඵලදායී ලෙස යොදා ගනු ඇතැයි මම විශ්වාස කරමි.තවද මෙම වෙබ් අඩවිය සමග සම්බන්ධ වී පාසලේ උන්නතියට සහයෝගය දක්වන මෙන් ආරාධනා කරමි. මෙම කාර්යය සාර්ථක කර ගැනීම සදහා උරදුන් සැමට මාගේ හෘදයාංගම ස්තුතිය පිරිනමන අතර දරු දැරියන්ගේ සාරධර්ම යහගුණ මෙන්ම අධ්‍යාපන කටයුතු ද දිනෙන් දින වර්ධනය වේවායි පතමි .

විදුහල්පති

පී.එම්.කරුණාරත්න

ර/පත්බේරිය නාරද ම.ම.වි

පරකඩුව